Zer gertatzen zait?

Uzkiko fistula

Uzkia inguratzen duen azalaren azpitik agertezen den hodi-itxurako lesioa da. Hodi honek bi zulo ditu: kanpoko zulo bat uzkiaren ondoko azalean eta barruko beste zulo bat uzkiaren barruan. Fistularen sintomak hauek dira: noiz behinka pus-irteera, uzkiko mina edo azkura. Sarritan, pazienteak infekzio gertaera bat izan du uzkiaren edo ondestearen inguruan, eta pusa kanporatu izan du (uzki abzesua).
Zergatik gertatzen dira uzkiko fistulak?
Hainbat kausa daude, baina ohikoena (paziente guztien erdiak) uzkian dauden guruinetako baten buxadura da. Honen eraginez bakterioak hazi egiten dira barruan eta pusa sortzen da (abzesua).

Abzesua larruazalean zehar hustu ondoren (berez edo modu kirurgikoan), uzkiaren barrualdearekin komunikatzen den bide batek iraun dezake: uzki-fistula.

Zein da uzkiko fistularen tratamendua?

Tratamendua kirurgikoa da eta fistula ahalik eta modurik eraginkorrenean zuzentzea du helburu, baina kakaren edota puzkarren ihesik sortu gabe. Izan ere, bide fistulosoak uzki-esfinterra neurri handiagoan edo txikiagoan zeharkatzen du, eta hori da inkontinentzia eragiteko arriskuaren arrazoia. Horrela, hainbat faktoreren arabera (aurretiko gaixotasunak, sexua eta aurretiko uzkiko kirurgiak) tratamendu-aukera desberdinen artean aukeratuko dugu:

Fistulotomia: fistularen sekzioa edo irekiera. Fistula sinpleenetarako erabiltzen da, hauek esfinter gutxi zeharkatzen dutenean eta inkontinentzia arrisku txikia dagoenean.

Hainbat aukera gehiago daude: Setoiaren teknika: fistulan zehar jartzen den haria, Zintzilikario endorrektala (uzki barneko zulo fistulosoa estaltzen da ondestearen horma berarekin), Fistulotomia eta esfinteroplastia (fistula osatu esfinterrak ebakiz eta uzki-esfinterraren konponketa interbentzio berean), Fistularen zuloak itxiteko asmoarekin osagai desberdinetako injekzioak: plaketak, fibrina edo ama-zelulak adibidez

Tratamendu kirurgikoa oso konplexua izan daitekenez, pazienteak ulertu behar du bere fistularen tratamendu egokiak hainbat ebakuntza kirurgiko behar izan ditzakeela. Prozedura batzuk modu anbulatorioan egin daitezke, baina beste batzuetan gaua ospitaliean igaro behar da.

Informazioa

Harremana