Uzkian edo haren inguruko azkura edo pruritoa sintoma bat da, ez gaixotasuna bera. Hala ere, gogorra izan daiteke eta azkura egiteko desira deseroso eta iraunkorra sor dezake. Ohikoa da gauetan okerrera egitea.
Azaldu dugun bezala, pruritoa sintoma bat da eta horren kausak asko izan daitezke:
Uzkiko patologiak, hala nola hemorroideak, fistulak edo fisurak, egoera horiekin batera sortzen den hezetasunaren ondorioz. Inkontinentzia fekalak eta beherakoak ere azkura eragin dezakete, azala gorozkiekin denbora luzean kontaktuan egotearen ondorioz.
Larruazaleko gaixotasun arruntak, uzkiaren inguruko larruazalean finkatzen direnean, hala nola mikosia (onddoek eragindako infekzioak), ekzema, psoriasia, dermatitisa.
Kontaktuzko dermatitisa, uzkian erabilitako higiene edo tratamendu produktuengatik: xaboiak, pomadak, ukenduak.
Higiene gehiegi edo gitxiegi.
Hesteetako parasitoak: oxiuroak(“zizareak”).
Elikagai azido asko hartzea (zitrikoak, tomatea).